ຄຳມ່ວນໃຫ້ເອກະຊົນສຳຫຼວດໂຄງການໄຟຟ້າແສງຕາວັນ

ຂ່າວ: ກອງຄຳ  

  ບໍລິສັດໄຮໜານ-ອີເດນທົວຣ໌ ຈີ ເອັມບີເຮສຈຳກັດ ໄດ້ຮັບອະນຸຍາດຈາກອຳນາດການປົກຄອງແຂວງຄຳມ່ວນເພື່ອດຳເນີນການສຶກສາສໍາຫຼວດໂຄງການກໍ່ສ້າງພະລັງງານໄຟຟ້າແສງຕາເວັນຢູ່ຂອບເຂດເສດຖະກິດສະເພາະທ່າແຂກໃນເນື້ອທີ່ລວມ 54,2 ເຮັກຕາ ທັງນີ້ຄາດວ່າຫາກການສຶກສາສຳຫຼວດມີຜົນທາງບວກຈະສ້າງຜົນປະໂຫຍດຫຼາຍຢ່າງໃຫ້ກັບປະຊາຊົນ ແລະປະເທດຊາດທີ່ໄດ້ຊົມໃຊ້ໄຟຟ້າຢ່າງພຽງພໍ.

ມອບ 6 ພັນລ້ານກວ່າກີບ ແກ່ຄອບຄົວຜູ້ເສຍຊີວິດຈາກເຫດຄູກັນນ້ຳເຂື່ອນແຕກທີ່ສະໜາມໄຊ

ຂ່າວ: ມາລາທິບ

  ເນື່ອງໃນໂອກາດທີ່ ແຂວງອັດຕະປື ແລະທຸກພາກສ່ວນໃນທົ່ວປະເທດໄດ້ຮ່ວມພະລັງໃຈກັນຈັດຕັ້ງກອງອັດຖະບັງສະກຸນ (ກອງບຸນ) ອຸທິດສ່ວນກຸສົນໃຫ້ດວງວິນຍານຜູ້ເສຍຊີວິດຈາກອຸບັດເຫດເຂື່ອນແຕກທີ່ເມືອງສະໜາມໄຊ ບໍລິສັດຜູ້ຮັບຜິດຊອບໃນເຫດການອຸບັດເຫດຈາກໂຄງການກໍ່ສ້າງເຂື່ອນໄຟຟ້າເຊປຽນ-ເຊນ້ຳນ້ອຍແຕກທີ່ເມືອງສະໜາມໄຊ ກໍ່ໄດ້ນຳເອົາເງິນຊົດເຊີຍຈຳນວນ 6.035 ລ້ານກີບ ມອບໃຫ້ແກ່ຍາດ ແລະຄອບຄົວຜູ້ເສຍຊີວິດຢ່າງເປັນທາງການມາໃນວັນທີ 26 ມັງກອນຜ່ານມາ.   

ກສວ ໃຫ້ຄວາມຮູ້ການເຂົ້າເຖິງແຫຼ່ງທຶນ

ຂ່າວ: ພິມພອນ   

  ໃນຕອນບ່າຍຂອງວັນທີ 24 ມັງກອນທີ່ຜ່ານມາ, ກົມສົ່ງເສີມວິສາຫະກິດຂະໜາດນ້ອຍ ແລະກາງ (ກສວ), ກະຊວງອຸດສາຫະກຳ ແລະການຄ້າຮ່ວມກັບຄະນະຈັດງານເທສະການອາຫານລາວ, ໄດ້ຈັດສຳມະນາ ແລະຝຶກອົບຮົມຍົກລະດັບຄວາມຮູ້ກ່ຽວກັບທຸລະກິດຂະໜາດນ້ອຍ ແລະກາງ (SME) ໃຫ້ແກ່ຫົວ ໜ່ວຍທຸລະກິດທີ່ເຂົ້າຮ່ວມໃນງານວາງສະແດງສິນຄ້າ ແລະຂາຍລະຫວ່າງວັນທີ 23-26 ມັງກອນ, ແນໃສ່ໃຫ້ເຂົາເຈົ້າຮັບຮູ້ ແລະເຂົ້າໃຈກ່ຽວກັບນະໂຍບາຍການເຂົ້າເຖິງແຫຼ່ງທຶນຂອງ SME ຫຼາຍຂຶ້ນ.

2 ພາກສ່ວນຮ່ວມພັດທະນາບຸກຄະລາກອນ

ຂ່າວ: ພິມພອນ   

   ໃນວັນທີ 24 ມັງກອນ 2019, ທີ່ຟາມພູຕາເວັນໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ລະຫວ່າງບໍລິສັດ ພູຕາເວັນການທ່ອງທ່ຽວຈຳກັດ ແລະ ວິທະຍາໄລເຕັກນິກ-ວິຊາຊີບແຂວງຄຳມ່ວນເພື່ອຮ່ວມກັນພັດທະນາຫຼັກສູດການຮຽນ-ການສອນ ຂອງວິທະຍາໄລເຕັກນິກ-ວິຊາຊີບແຂວງຄຳມ່ວນໃນການສ້າງບຸກຄະລາກອນໃຫ້ສອດຄ່ອງກັບຄວາມຕ້ອງການຂອງຕະຫຼາດແຮງງານໃນປະຈຸບັນກໍຄືອະນາຄົດ

ສຳຫຼວດຜາເຜີ້ງ ບ້ານນາຍອນ ເມືອງອາດສະພອນ ເພື່ອພັດທະນາເປັນແຫຼ່ງທ່ອງທ່ຽວ

  (ນສພ ເສດຖະກິດ-ສັງຄົມ)

  ເພື່ອເປັນການຂຸດຄົ້ນແຫຼ່ງທ່ອງທ່ຽວໃໝ່ໆທີ່ມີຢູ່ໃນເມືອງອາດສະພອນ ແຂວງສະຫວັນນະເຂດ ໃຫ້ເປັນທີ່ຮູ້ຈັກຂອງນັກທ່ອງທ່ຽວທັງ ໃນວັນທີ 21 ມັງກອນ 2019 ນີ້, ທີມງານສຳຫຼວດແຫຼ່ງທ່ອງທ່ຽວຂອງເມືອງມີ ທ່ານ ປ່ຽນມາ ຈັນທະວົງ ຮອງຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງ, ທ່ານ ສິດທິເດດ ສຸລິວົງ ຮອງຫົວໜ້າຈຸດສຸມນາປອດ, ທ່ານ ສີພັນດອນ ເລຂານາຍ ບ້ານນາຍອນ ພ້ອມດ້ວຍຄະນະວິຊາການກ່ຽວຂ້ອງ.

ເປີດປີທ່ອງທ່ຽວລາວ-ຈີນ 2019 ເປັນທາງການ ຄາດນັກທ່ອງທ່ຽວຈີນຈະມາລາວຫຼາຍຂື້ນ

ຂ່າວ: ວົງມະນີ   

    ໃນວັນທີ 25 ມັງກອນຜ່ານມາທີ່ນະຄອນຫຼວງວຽງຈັນ ໄດ້ຈັດພິທີເປີດປີທ່ອງທ່ຽວລາວ-ຈີນ 2019 ຂຶ້ນຢ່າງເປັນທາງການໂດຍໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ບໍ່ແສງ ຄຳ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ (ຖວທ), ທ່ານ ລູ ຊູ ກາງລັດຖະມົນຕີກະຊວງວັດທະນະທຳ ແລະທ່ອງທ່ຽວແຫ່ງ ສປ ຈີນ ແລະ ແຂກທີ່ຖືກເຊີນເຂົ້າຮ່ວມ.

ຜົນກອງປະຊຸມລັດຖະບານສະໄໝສາມັນປະຈຳເດືອນມັງກອນ 2019

(ນສພ ເສດຖະກິດ-ສັງຄົມ)

   ກອງປະຊຸມລັດຖະບານສະໄໝສາມັນປະຈໍາເດືອນມັງກອນ 2019 ໄດ້ດໍາເນີນໃນວັນທີ 24-25 ມັງກອນ 2019 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ບັນດາສະມາຊິກລັດຖະບານເຂົ້າຮ່ວມຢ່າງພ້ອມພຽງ.

K&B ຮັບລາງວັນປະກອບສ່ວນດີເດັ່ນ 30 ປີ ສຄອຊ

 (ນສພ ເສດຖະກິດ-ສັງຄົມ)

  ໃນກອງປະຊຸມປະຈຳປີ 2018 ແລະສະເຫຼີມສະຫຼອງ 30 ປີຂອງສະພາການຄ້າ ແລະອຸດສາຫະກຳແຫ່ງຊາດ ຫຼື ສຄອຊ ຊຶ່ງຈັດຂຶ້ນໃນວັນທີ 23 ມັງກອນ ຜ່ານມາທີ່ນະຄອນຫຼວງວຽງຈັນ ນອກຈາກຫຼາຍວາລະທີ່ສຳຄັນພາຍໃນກອງປະຊຸມຍັງມີພິທີມອບໃບຍ້ອງຍໍ ແລະ ໂລ້ລາງວັນໃຫ້ແກ່ຫົວໜ່ວຍທຸລະກິດດີເດັ່ນ 30 ປີ ທີ່ມີຜົນງານປະກອບສ່ວນສະໜັບສະໜູນດ້ານທຶນຮອນ ແລະວັດຖຸປັດໄຈໃນການສ້າງຄວາມເຂັ້ມແຂງແກ່ ສຄອຊ ໂດຍມີທັງໝົດ 68 ຫົວໜ່ວຍທຸ ລະກິດທີ່ໄດ້ຮັບ ແລະໂຮງງານ ເຄແອນບີ ເຟີນິເຈີ ກໍແມ່ນໜື່ງໃນນັ້ນ.

ຫົວພັນເກັບລາຍຮັບໄດ້ເກີນແຜນປີນີ້ຕັ້ງເປົ້າບັນລຸ 115,23 ຕື້ກີບ

ຂ່າວ: ໄອແກ້ວ 

 ການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2018 ຂອງແຂວງຫົວພັນເຖິງຈະພົບຄວາມຫຍຸ້ງຍາກຫຼາຍບັນຫາທີ່ທ້າທາຍເກີດຂຶ້ນເປັນຕົ້ນແມ່ນບັນຫາຜົນກະທົບຈາກໄພພິບັດທາງທຳມະຊາດເຮັດໃຫ້ຖານລາຍຮັບຈຳນວນໜຶ່ງຖືກເສຍຫາຍ ແລະ ໄດ້ຍົກເວັ້ນບໍ່ສາມາດເກັບໄດ້ແຕ່ອຳນາດການປົກຄອງແຂວງ ແລະ ທຸກພາກສ່ວນທີ່ກ່ຽວຂ້ອງກໍ່ໄດ້ເອົາໃຈໃສ່ຊີ້ນຳນຳພາ, ຊຸກຍູ້ເກັບລາຍຮັບມອບເຂົ້າງົບປະມານບັນລຸໄດ້ເກີນແຜນການປີທີ່ວາງໄວ້ຂະນະທີ່ປີນີ້ແຂວງດັ່ງກ່າວຕັ້ງເປົ້າໃຫ້ໄດ້ 115,23 ຕື້ກີບ.

ເປີດເທສະການດອກງິ້ວບານຕິດພັນກັບປີທ່ອງທ່ຽວລາວ-ຈີນ

(ນສພ ເສດຖະກິດ-ສັງຄົມ)

 ງານເທດສະການດອກງິ້ວບານຄັ້ງທີ 19 ຕິດພັນກັບການສົ່ງເສີມປີທ່ອງທ່ຽວລາວ-ຈີນ ໄດ້ເປີດຂຶ້ນຢ່າງທາງການໃນວັນທີ 23 ມັງກອນນີ້ທ່ີດອນຊາວບໍລິເວນເຂດເສດຖະກິດພິເສດສາມຫຼ່ຽມຄຳໂດຍມີທ່ານ ບົວຄົງ ນາມມະວົງ ເຈົ້າແຂວງໆບໍ່ແກ້ວ, ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະ ມົນຕີ, ມີພາກສ່ວນກ່ຽວຂ້ອງເຂົ້າຮ່ວມ.