ຫ້າງຊັບພະສິນຄ້າເຊກອງສຳເລັດ 95 ເປິເຊັນ

ຂ່າວ: ສະເຫຼີມໄຊ   

 ໂຄງການກໍ່ສ້າງຫ້າງຊັບພະສິນຄ້າ ແຂວງເຊກອງ ພາຍຫຼັງທີ່ໄດ້ດຳເນີນການກໍ່ສ້າງມາແຕ່ປີ 2016 ປະຈຸບັນມີຫຼາຍໜ້າວຽກໄດ້ຮັບການຈັດຕັ້ງປະຕິບັດສຳເລັດສະເລ່ຍໜ້າວຽກໂດຍລວມມີຄວາມຄືບໜ້າແລ້ວ 95% ມີມູນຄ່າການກ່ໍສ້າງ ທັງໝົດ 93,54 ຕື້ກີບ ຂະນະທີ່ໜ້າວຽກ ທີ່ຍັງສືບຕໍ່ແມ່ນລະບົບໄຟຟ້າ, ການຕົບແຕ່ງພາຍໃນ, ການອະນາໄມ ແລະໜ້າວຽກອື່ນໆອີກຈຳນວນໜຶ່ງຊຶ່ງດ້ານຜູ້ຮັບເໝົາຄາດຈະໃຫ້ສໍາເລັດກ່ອນແຜນການທີ່ກຳນົດໄວ້.

ຄຶກຄັກແນ່ນອນງານວາງສະແດງສິນຄ້າຜະລິດຕະພັນໄມ້ລາວ ຜູ້ປະກອບການທະຍອຍຂົນສິນຄ້າເຂົ້າຮ່ວມ

  (ນສພ ເສດຖະກິດ-ສັງຄົມ) 

  ປະຈຸບັນບັນດາຜູ້ປະກອບການພາຍໃນ ແລະຕ່າງປະເທດເລີ່ມທະຍອຍນຳສິນຄ້າສວຍງາມເຂົ້າຮ່ວມງານວາງສະແດງຜະລິດຕະພັນເຟີນີເຈີໄມ້ລາວຄັ້ງທີ 5 ປະຈຳປີ 2019 ຢ່າງຕໍ່ເນື່ອງໂດຍງານຈະເປີດຂຶ້ນເປັນທາງການໃນວັນທີ 14 ມັງກອນ ມີຈຳນວນ 181 ຫ້ອງວາງສະ ແດງ-ຂາຍສິນຄ້າຄຸນນະພາບດີດ້ວຍລາຄາສົມເຫດສົມຜົນ ແລະ ກິດຈະກຳອື່ນໆທີ່ຈະສ້າງໃຫ້ມີບັນຍາກາດຄຶກຄື້ນຕະຫຼອດງານ.

ຫາລືຜ່ານຮ່າງຂໍ້ຕົກລົງ ວ່າດ້ວຍການຄຸ້ມຄອງ ແລະ ຕິດຕາມໄມ້

ຂ່າວ: ວົງມະນີ    

  ໃນລະຫວ່າງວັນທີ 10-11 ມັງ ກອນ 2019 ທີ່ໂຮງແຮມວຽງຈັນພາຊາ ນະຄອນຫຼວງວຽງຈັນ ກະຊວງອຸດສາຫະກໍາ ແລະການຄ້າກົມອຸດສາຫະກໍາ ແລະການຄ້າຮ່ວມກັບໂຄງການ GIZ (Deutsche Gesellschaft Fuer Internatiqnale Zusammenarbeit) ໄດຈັດກອງປະຊຸມປຶກສາຫາລືຜ່ານຮ່າງຂໍ້ຕົກລົງວ່າດ້ວຍການຄຸ້ມຄອງ ແລະຕິດຕາມໄມ້ສົ້ນເຂົ້າ ແລະສົ້ນອອກໃນຂະບວນການປຸງແຕ່ງ ແລະການຄ້າໂດຍເປັນເປັນປະທານຂອງ ທ່ານ ສົມຟອງ ສຸລິວັນ ຮອງຫົວໜ້າກົມ ອຸດສາຫະກໍາ ແລະຫັດຖະກໍາ, ກະຊວງອຸດສາຫະກໍາ ແລະການຄ້າ

ນາຍົກ ເລັ່ງການເງິນປະຕິຮູບວຽກຢ່າງຮອບດ້ານ ແລະແຂງແຮງ ເພື່ອໃຫ້ລາຍຮັບເປັນໄປຕາມແຜນ

(ນສພ ເສດຖະກິດ-ສັງຄົມ)

  ເພື່ອເຮັດໃຫ້ແຜນຍຸດທະສາດທີ່ລັດຖະບານໄດ້ຮັບຮອງໃຫ້ມີຄວາມຄືບໜ້າໄວ ແລະຮັບປະກັນການເກັບລາຍຮັບໃຫ້ໄດ້ຕາມແຜນການ ແລະ ລື່ນແຜນນັ້ນນາຍົກໄດ້ເນັ້ນໜັກໃຫ້ຂະແໜງການເງິນເລັ່ງປະຕິຮູບວຽກງານຢ່າງຮອບດ້ານ ແລະ ແຂງແຮງ, ຫັນເອົາການຄຸ້ມຄອງລາຍຮັບເຂົ້າສູ່ລະບົບທັນສະໄໝໃຫ້ສຳເລັດທັງໝົດບໍ່ກາຍປີ 2020 ເພື່ອສະກັດກັ້ນການຮົ່ວໄຫຼ, ແກ້ໄຂປາກົດການຫຍໍ້ທໍ້ໃນຂົງເຂດລາຍຮັບຢ່າງຂາດຕົວຂະນະທີ່ໃນປີ 2019 ລັດຕັ້ງເປົ້າໃຫ້ລາຍຮັບບັນລຸ 26.305 ຕື້ກີບ ແລະ ຈະຄວບຄຸມລາຍຈ່າຍບໍ່ໃຫ້ເກີນ 33.394 ຕື້ກີບ.

ສພຂ ສະຫວັນນະເຂດໄຂກອງປະຊຸມສະໄໝສາມັນເທື່ອທີ 6

   ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງສະຫວັນນະເຂດ ຊຸດທີ I ໄດ້ໄຂຂຶ້ນຢ່າງເປັນທາງການໃນວັນທີ 8 ມັງກອນ 2019 ທີ່ຫໍວັດທະນະທໍາໄກສອນ ພົມວິຫານ ພາຍ ໃຕ້ການເປັນປະທານຂອງທ່ານ ຄໍາເຜີຍ ຜັນທະຈອນ  ປະທານສະພາປະຊາຊົນ ແຂວງສະຫວັນນະເຂດ, ໂດຍການເປັນ ກຽດເຂົ້າຮ່ວມມີທ່ານ ພົທ ແສງນວນ ໄຊຍະລາດຮອງປະທານສະພາແຫ່ງຊາດ, ສະມາຊິກສະພາແຫ່ງຊາດເຂດເລືອກຕັ້ງທີ 13, ທ່ານ ສັນຕິພາບ ພົມວິຫານ ເຈົ້າແຂວງໆສະຫວັນນະເຂດ

ນາຍົກຫວຽດນາມ ຕ້ອນຮັບການຢ້ຽມຢາມຂຳນັບຂອງຄະນະຜູ້ແທນ ທຫລ

ຂ່າວ: ຣັດສະໝີ ດວງສັດຈະ

     ຄະນະຜູ້ແທນຂັ້ນສູງຂອງທະນາຄານແຫ່ງ ສປປ ລາວ ຊຶ່ງນໍາໂດຍທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ ພ້ອມຄະນະໄດ້ເດີນທາງຢ້ຽມຢາມ ແລະເຮັດວຽກຮ່ວມກັບການນໍາຂັ້ນສູງຂອງທະນາຄານແຫ່ງລັດ ສສ ຫວຽດນາມ ທີ່ນະຄອນຫຼວງຮ່າໂນ້ຍ

ເຊີນທ່ຽວເທສະການບຸນກິນຈຽງທີ່ສວນພຶກສາ

    ງານເທສະການບຸນກິນຈຽງເຜົ່າມົ້ງຂອງສວນພຶກສາ ບ້ານດ່ານຊີ ເມືອງນາຊາຍທອງ ນະຄອນຫຼວງວຽງຈັນ ແມ່ນໄດ້ຈັດຂຶ້ນແລ້ວຊຶ່ງຈະເລີ່ມແຕ່ວັນທີ 9-13 ມັງກອນ 2019 ເຂົ້າຮ່ວມເປີດງານມີທ່ານ ວິລະສັກ ນາມມຸນຕີ ເຈົ້າເມືອງນາຊາຍທອງ, ທ່ານ ພູວົງ ພະມີສິດ ປະທານສວນພຶກສາບັນດາແຂກພາກສ່ວນກ່ຽວຂ້ອງເຂົ້າຮ່ວມ.

2 ບ້ານ ຢູ່ຜົ້ງສາລີ ປະສົບໄພນ້ຳຖ້ວມຂ້າມລະດູ

ຂ່າວ: ສົມຄິດ ແກ້ວນວນລາ

  ໃນເວລາ 12:30 ໂມງວັນທີ 8 ມັງກອນ 2019 ໄດ້ເກີດມີເຫດນໍ້າຖ້ວມບ້ານເຮືອນ ແລະພື້ນທີ່ທໍາການຜະລິດຢູ່ບ້ານງາຍເໜືອ ເມືອງບຸນເໜືອ ແຂວງຜົ້ງສາລີ ຕໍ່ມາມື້ດຽວກັນເວລາປະມານ 15:00 ໂມງ ກໍມີເຫດການນໍ້ານອງຖ້ວມຕື່ມທີ່ບ້ານຫາດສາເມືອງ ແລະ ແຂວງຜົ້ງສາລີ ເຮັດໃຫ້ພໍ່ແມ່ປະຊາຊົນທີ່ອາໄສຢູ່ເຂດນັ້ນໄດ້ຮັບຜົນເສຍຫາຍ, ປະຈຸບັນ, ຍັງບໍ່ມີລາຍງານແຈ້ງເປັນຕົວເລກທາງການເທື່ອວ່າມີມູນຄ່າຄວາມເສຍຫາຍໜ້ອຍຫຼາຍພຽງໃດ.

ບັນຍາກາດລົງທືນຢູ່ລາວຄຶກຄັກ ປີແລ້ວລັດອະນຸມັດ 40 ກວ່າໂຄງການສຳປະທານ ໄຟຟ້າ

ຂ່າວ: ວົງມະນີ

  ສປປ ລາວ ຍັງຄົງສືບຕໍ່ກາຍ ເປັນປະເທດທີ່ນັກທຸລະກິດຕ່າງຊາດໃຫ້ຄວາມສົນໃຈເຂົ້າມາລົງທຶນຢ່າງຕໍ່ເນື່ອງ ສະເພາະປີ 2018 ຜ່ານມາ ລັດຖະບານໄດ້ອະນຸມັດກິດຈະການສຳປະທານທັງໝົດ 43 ໂຄງການໃນນັ້ນຫຼາຍກວ່າໝູ່ແມ່ນໃນຈຳນວນໂຄງການກ່ຽວກັບໄຟຟ້າ ແລະ ບໍ່ແຮ່ທີ່ປະເທດເຮົາມີທ່າແຮງ.

 

ຕະຫຼາດລົດຍັງສົດໃສ ປີແລ້ວຮອນດ້າຍອດຈຳໜ່າຍເພີ່ມຂຶ້ນ

(ໜັງສືພິມເສດຖະກິດ-ສັງຄົມ)

    ບໍລິສັດນິວຈິບເຊັງຈຳກັດເປັນຜູ້ຜະລິດ ແລະຈຳໜ່າຍລົດຍີ່ຫໍ້ຮອນດ້າໂດຍປະກອບມີທັງລົດຈັກ ແລະລົດໃຫຍ່ຊຶ່ງຍອດຂາຍໄດ້ເພີ່ມຂຶ້ນຕໍ່ເນື່ອງເມື່ອທຽບໃສ່ປີກ່ອນສະເພາະຍອດຈຳໜ່າຍລົດຈັກໃນປີ 2018 ບັນລຸໄດ້ເຖິງ 80 ພັນຄັນ ແລະລົດໃຫຍ່ຍອດຂາຍໄດ້ເຖິງ 500 ຄັນເພີ່ມຂຶ້ນຈາກປີກ່ອນຫຼາຍພໍສົມຄວນໂດຍລວມເຫັນວ່າຕະຫຼາດຈຳໜ່າຍລົດຍີ່ຫໍ້ຮອນດ້າຢູ່ໃນລາວແມ່ນຍັງສົດໃສມີທ່າອ່ຽງທີ່ຈະເພີ່ມຂຶ້ນອີກໃນຕໍ່ໜ້າ.