ຫຼາຍສາເຫດເຮັດໃຫ້ການລົງທືນຂອງລັດ ບໍ່ໄປຕາມໂຄງການປະກອບການລົງທືນ

ໂດຍ: ທິດສະດີ

  ທ່ານສຸພັນແກ້ວມີໄຊລັດຖະມົນຕີກະຊວງແຜນການແລະການລົງທຶນໄດ້ຊີ້ແຈງກ່ຽວກັບການຈັດສັນງົບປະມານການລົງ ທຶນຂອງລັດປີ 2018 ທີ່ບໍ່ໄປຕາມມະຕິຂອງກອງປະຊຸມສະພາແຫ່ງຊາດສະບັບເລັກທີ 075/ສພຊ ແລະທິດທາງໃນປີ 2019 ຕໍ່ກອງປະຊຸມສະໄໝສາມັນເທື່ອທີ 6 ວ່າ:ໂຄງປະກອບການລົງທຶນພາຍໃນຂອງລັດ (ບ້ວງປົກກະຕິ) ປະຈຳປີ 2019 ຈະບໍ່ໄປຕາມໂຄງປະກອບການລົງທຶນຄືປີຜ່ານມາ,ສຳລັບປີ 2018 ຍ້ອນວ່າການກຳນົດຂອບແມ່ນກຳນົດເພື່ອເປັນທິດແນະນຳໃຫ້ບັນດາກະຊວງ, ອົງການແລະທ້ອງຖິ່ນໃຫ້ມີຈຸດສຸມໃນການຈັດສັນທຶນໃນການແກ້ໄຂໜີ້,ໂຄງການສືບຕໍ່ແລະສະເໜີໜີ້ໃໝ່ (ລວມທຶນພັດທະນາຊົນນະບົດແລະແກ້ໄຂຄວາມທຸກຍາກ) ແຕ່ຍ້ອນລັດຖະບານໄດ້ຕົກລົງໃຫ້ຊຳລະໜີ້ນອກຈາກບ້ວງປົກກະຕິ,ອວ່າຍໜີ້ 3 ແຈ,ດ້ວຍເງິນສົດແລະອອກພັນທະບັດໄລຍະປີ 2017 ຊຶ່ງຖ້າຄິດໄລ່ທຸກແຫ່ງໜີ້ສິນແມ່ນໄດ້ຮັບການແກ້ໂຂເຖິງ 3.700 ຕື້ກີບເຮັດໃຫ້ໜີ້ສິນຫຼຸດລົງໃນລະດັບໜຶ່ງ.

ບໍ່ແກ້ວ ຕ້ອງການທຶນພັດທະນາ 2 ພັນຕື້ກວ່າກີບ

ໂດຍ:ກິ່ງລັດຕະນາ

  ເພື່ອຮັບປະກັນໃຫ້ເສດຖະກິດຂະຫຍາຍຕົວໃນລະດັບ 7,9% ໃນປີ  2019 ແຂວງບໍ່ແກ້ວ ມີຄວາມຕ້ອງການການລົງທຶນເຂົ້າໃນການພັດທະນາເສດຖະກິດ-ສັງຄົມລວມທັງໝົດ 2 ພັນຕື້ກວ່າກີບເທົ່າກັບ 75,55% ຂອງ GDP ໃນນັ້ນຕົ້ນຕໍແມ່ນການລົງທຶນຈາກພາກເອກະຊົນພາຍໃນແລະຕ່າງປະເທດກວມເອົາເກືອບ 50% ຂອງລວມຍອດການລົງທຶນ.

ທກສ ສາຂາຄໍາມ່ວນປ່ອຍສີນເຊື່ອໄດ 35 ຕື້ກວ່າກີບ

ໂດຍ: ແດງສະຫວັດ ແສນພານິດ.

  ທ່ານບຸນອ້ອມອິນທະວົງສາຫົວໜ້າສາຂາທະນາຄານສົ່ງເສີມກະສິກໍາ (ທສກ) ປະຈໍາ ແຂວງຄໍາມ່ວນໃຫ້ຮູ້ວ່າ: ທະນາຄານສົ່ງເສີມກະສິກໍາສາຂາຄໍາມ່ວນປະຈຸບັນມີພະນັກງານທັງໝົດ 63 ຄົນ, ຍິງ 33 ຄົນ, ປະກອບ ມີ 5 ໜ່ວຍບໍລິການຄື:ໜ່ວຍບໍລິການເມືອງໜອງບົກ, ມະຫາໄຊ, ນາກາຍ, ເຊບັ້ງໄຟ, ຫີນບູນ. ມີ 6 ຂະແໜງຄື:ຂະແໜງຈັດ ຕັ້ງ-ພະນັກງານ, ຂະແໜງຫ້ອງ ການບໍລິຫານ, ຂະແໜງກວດກາ, ຂະແໜງບັນຊີ, ຂະແໜງສິນເຊື່ອແລະຂະແໜງເຕັກໂນໂລຊີ. ດ້ານຂອດບໍລິການແມ່ນມີຫຼາຍຜະລິດຕະພັນໃຫ້ບໍລິການເຊັ່ນ: ATM, SMS, ອີຊີແທັກ, ປະກັນໄພ, ບໍລິ ການໂອນເງິນພາຍໃນແລະຕ່າງປະເທດ, ໂອນຄ່ານໍ້າປະປາ, ຄ່າ ໄຟຟ້າ, ຄ່າໂທລະສັບ, ຊໍາລະຄ່າທາງ, ຮັບຝາກເງິນ, ໃຫ້ສິນເຊື່ອ ແລະອື່ນໆ ...