ລາຍງານຂ່າວຂອງ CRI ປະຈຳລາວ ໃຫ້ຮູ້ວ່າ ໃນເວລາ 10:30 ໂມງ ຂອງວັນທີ 10 ມັງກອນ 2022 (ຕາມເວລາວຽງຈັນ) ລົດໄຟ “ຂະບວນດ່ວນລ້ານຊ້າງ” ທີ່ເປັນຂະບວນລົດໄຟຂົນສົ່ງສິນຄ້າຂະບວນທຳອິດ ຊຶ່ງແລ່ນດ້ວຍຄວາມໄວ 120 ກິໂລແມັດຕໍ່ຊົ່ວໂມງ ໄດ້ອອກເດີນທາງຈາກນະຄອນຄຸນມິງ ປະເທດຈີນ ແລະ ຈະເດີນທາງມາເຖິງນະຄອນຫຼວງວຽງຈັນ ໃນວັນທີ 11 ມັງກອນນີ້.
ລາຍງານດຽວກັນໃຫ້ຮູ້ວ່າ ໃນເບື້ອງຕົ້ນ ລົດໄຟ “ຂະບວນດ່ວນລ້ານຊ້າງ” ຈະແລ່ນ 2 ຖ້ຽວເປັນປະຈຳ, ຫຼັງຈາກນັ້ນ ຈະອີງຕາມສະພາບຕົວຈິງຂອງຕະຫຼາດ ແລ້ວຈະເພີ່ມຂະບວນລົດໄຟຂຶ້ນເປັນກ້າວໆ ເພື່ອຕອບສະໜອງຄວາມຕ້ອງການໃນການຂົນສົ່ງສິນຄ້າທີ່ມີເວລາຈຳກັດເຊັ່ນ ໝາກໄມ້, ຜັກ, ພະລິດຕະພັນອິເລັກໂທຣນິຄ, ເຄື່ອງໃຊ້ໃນຊີວິດປະຈຳວັນ ແລະ ອື່ນໆ.
ປັດຈຸບັນ, ສິນຄ້າທີ່ຂົນສົ່ງຕາມທາງລົດໄຟ ລາວ-ຈີນ ໄດ້ເພີ່ມຂຶ້ນຢ່າງບໍ່ຢຸດຢັ້ງ ຊຶ່ງຈາກຢາງພາລາ, ປຸ໋ຍ ແລະ ເຄື່ອງຂອງຕ່າງໆ ໄດ້ຂະຫຍາຍໄປສູ່ຜະລິດຕະພັນອິເລັກໂທຣນິຄ, ລົດ, ຜັກ, ໝາກໄມ້ ແລະ ອື່ນໆ. ຄຽງຄູ່ກັບສັນຍາການພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນໄດ້ມີຜົນບັງຄັບໃຊ້ຢ່າງເປັນທາງການ, ປະລິມານການຂົນສົ່ງສິນຄ້າຕາມທາງລົດໄຟລາວ-ຈີນໄດ້ເພີ່ມຂຶ້ນຢ່າງໝັ້ນທ່ຽງ ເຊິ່ງຈະສົ່ງໄປເຖິງ 10 ກວ່າປະເທດແລະເຂດແຄ້ວນ ເປັນຕົ້ນແມ່ນ ລາວ, ໄທ, ມຽນມາ ແລະ ບັງກລາເທສ ຈະປະກອບສ່ວນຢ່າງຕັ້ງໜ້າເຂົ້າໃນການສ້າງຕ່ອງໂສ້ຈໍລະຈອນສິນຄ້າຢູ່ລະຫວ່າງແມ່ນ້ຳລ້ານຊ້າງຂອງຈີນ ແລະ ອະນຸພາກພື້ນແມ່ນ້ຳຂອງ ທັງຈະຮັບປະກັນຄວາມໝັ້ນທ່ຽງຂອງຕ່ອງໂສ້ການສະໜອງສາກົນ ແລະ ຕ່ອງໂສ້ການຄ້າ.
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |