ອິນໂດເນເຊຍ ຕໍ່ເວລາມາດຕະການຄຸມໂຄວິດອີກ 1 ອາທິດ

  ລັດຖະບານອິນໂດເນເຊຍ ປະກາດຕໍ່ເວລາການບັງຄັບໃຊ້ມາດຕະການສຸກເສີນເພື່ອຈຳກັດກິດຈະກຳລະດັບຊຸມຊົນ (ພີພີເຄເອັມ) ຕໍ່ອີກ 1 ອາທິດ ໃນພື້ນທີ່ເກາະຊວາ ແລະເກາະບາຫຼີລວມທັງແຂວງອື່ນໆຈາກຈາກ 2 ເກາະນີ້.

  ສຳນັກຂ່າວຊິນຮວາລາຍງານວ່າ ປະທານາທິບໍດີໂຈໂກວິໂດໂດ ຂອງອິນໂດເນເຊຍປະກາດການຕັດສີນໃຈດັ່ງກ່າວໃນລະຫວ່າງການຖະແຫຼງຂ່າວຕໍ່ສື່ມວນຊົນ ເມື່ອວັນທີ 23 ສິງຫາທີ່ຜ່ານມາ ປະທານາທິບໍດີວິໂດໂດລະບຸວ່າ ບາງເຂດໃນເກາະຊວາ ແລະບາຫຼີ ລວມທັງນະຄອນຫຼວງຈາກາຕາ, ເມືອງບັນດຸງ (ຊວາຕາເວັນຕົກ), ເມືອງສຸຣາບາຢາ (ຊວາຕາເວັນອອກ) ສາມາດປັບຫຼຸດມາດຕະການພີພີເຄເອັມຈາກລະດັບ 4 ມາ ເປັນລະດັບ 3 ອິນໂດເນເຊຍບັງຄັບໃຊ້ມາດຕະການຈຳກັດການເດີນທາງ 4 ລະດັບຢູ່ໃນເກາະຊວາ ແລະບາຫຼີໃນໄລຍະ 5 ອາທິດທີ່ຜ່ານມາ ຫຼັງຈາກພົບຍອດຜູ້ຕິດເຊື້ອໂຄວິດ-19 ເພີ່ມຂຶ້ນຕັ້ງແຕ່ທ້າຍເດືອນມິຖຸນາ-ກໍລະກົດເນື່ອງຈາກການແຜ່ລະບາດຂອງໂຄວິດ-19 ສາຍພັນເດລຕ້າທີ່ສາມາດແຜ່ລະບາດຢ່າງວ່ອງໄວ.

  ນັບຕັ້ງແຕ່ອາທິດທີ່ຜ່ານມາລັດຖະບານເລີ່ມຜ່ອນຜັນກິດຈະກຳຕ່າງໆໃນຫຼາຍເມືອງໃຫຍ່ອີກທັງສະຖານທີ່ສາທາລະນະເຊັ່ນ: ຫ້າງຊັບພະສິນຄ້າ ແລະຮ້ານອາຫານໃນພື້ນທີ່ຢູ່ພາຍໃຕ້ມາດຕະການ PPKM ລະດັບ 4 ໄດ້ຮັບອະນຸຍາດໃຫ້ກັບມາເປີດບໍລິການ ໂດຍຕ້ອງຈຳກັດຈຳນວນຜູ້ໃຊ້ງານ ແລະມີເງື່ອນໄຂ ອື່ນໆ.

----

ໜັງສືພິມ ເສດຖະກິດ-ສັງຄົມ

แชร์