ມສ ລະຄອນສີ ສະຫຼຸບປະຈຳສົກປີ

  ວັນທີ 18 ສິງຫາ 2020 ທີ່ຫ້ອງສະໂມສອນໂຮງຮຽນ ມສ ລະຄອນສີ ເມືອງລະຄອນເພັງ ໄດ້ຈັດກອງປະຊຸມພັກແລ້ງໃຫ້ແກ່ພະນັກງານບໍລິຫານ, ຄູ-ອາຈານສົກຮຽນ 2019–2020 ໂດຍເປັນກຽດການເຂົ້າຮ່ວມຂອງທ່ານ ໄຊຊະນະສີສະຫວັດ ຮອງເຈົ້າເມືອງລະຄອນເພັງ, ທ່ານ ສີລິສັກຖະໜອມຮັກ ຫົວໜ້າພະແນກສຶກສາທິການ ແລະກີລາ, ທ່ານ ກັນຍາໄຊ ຍະໂອຊະ ຫົວໜ້າຫ້ອງການສຶກສາທິການ ແລະກີລາເມືອງ, ມີບັນດາຜູ້ອໍານວຍການໂຮງຮຽນ ມັດທະຍົມຕອນຕົ້ນ-ຕອນປາຍ,ປະຖົມສຶກສາພ້ອມພະນັກງານຄູ-ອາ ຈານເຂົ້າຮ່ວມ.

  ທ່ານ ກັນຍາ ໄຊຍະໂອຊະ ກໍ່ໄດ້ຂຶ້ນຜ່ານບົດສະຫຼຸບປະຈຳສົກປີ 2019-2020 ແລະທິດທາງແຜນພັດທະນາການສຶກສາປະຈຳປີ 2020–2021 ທົ່ວເມືອງມີໂຮງຮຽນທັງໜົດ 91 ແຫ່ງໂຮງຮຽນ ມັດທະຍົມສົມບູນ 3 ແຫ່ງ, ມັດທະຍົມຕອນຕົ້ນ 7 ແຫ່ງ, ໂຮງຮຽນປະຖົມ 72 ແຫ່ງ ແລະໂຮງຮຽນອະນຸ ບານ 9 ແຫ່ງ, ມີຄູສອນທັງໜົດ 405 ຄົນ, ຍິງ 196 ຄົນ, ວຽກງານທີ່ພົ້ນເດັ່ນເປັນຕົ້ນແມ່ນອັດຕາເຂົ້າຮຽນຂອງເດັກ 3-5 ປີປະຕິບັດໄດ້ 46,5%, ອັດຕາເຂົ້າຮຽນຂອງເດັກ 5 ປີປະຕິບັດໄດ້ 66,2%, ອັດຕາເຂົ້າຮຽນໃໜ່ສຸດທີ 98%, ອັດຕາເຂົ້າຮຽນສຸດທິຊັ້ນປະຖົມປະຕິບັດໄດ້97,8% ອັດຕາຄ້າຫ້ອງ 3,2%,ອັດຕາປະລະຊັ້ນປະຖົມ 4,7%,ອັດຕາເຂົ້າຮຽນລວມຊັ້ນມັດທະຍົມຕອນຕົ້ນແມ່ນ 60,5%, ຊັ້ນມັດທະຍົມຕອນປາຍປະຕິບັດໄດ້37%, ຄຽງຄູ່ກັບການສຶກສາໃນໂຮງຮຽນການສຶກສານອກໂຮງຮຽນກໍ່ແມ່ນວຽກ ງານບູລິມະສິດໜື່ງທີ່ສືບຕໍ່ ແລະໃຫ້ຄວາມສໍາຄັນເຊິ່ງໄດ້ສືບຕໍ່ສິດສອນເພື່ອລົບ ລ້າງຄວາມລົບລ້າງຄວາມບໍ່ຮູ້ໜັງສືບຳລຸງຊັ້ນປະຖົມ ແລະມັດທະຍົມຕົ້ນໃຫ້ແກ່ກຸ່ມເປົ້າໜາຍທີ່ມີອາຍຸ 13-35 ປີທີ່ຍັງຕົກຄ້າງໃຫ້ໄດ້ສຶກສາຮໍ່າຮຽນຢ່າງທົ່ວເຖິງ.

   ສຳລັບທິດທາງແຜນການພັດທະນາການສຶກສາ ແລະກີລາໃນ ສົກຮຽນ 2020-2021 ແມ່ນໃຫ້ ຜູ້ບໍລິຫານການສຶກສາເອົາໃຈໃສ່ ໃນ 7 ໜ້າວຽກຂອງຜູ້ບໍລິຫານຂັ້ນໂຮງຮຽນເປັນຕົ້ນແມ່ນວຽກງານ ຄຸ້ມຄອງບຸກຄະລາກອນ, ວຽກຄຸ້ມ ຄອງວິຊາການ, ວຽກຄຸ້ມຄອງ ກິດຈະກໍານັກຮຽນ-ນັກສຶກສາ, ວຽກອາຄານສະຖານທີ່, ວຽກຫ້ອງ ການ-ການເງິນ, ອົງການຈັດຕັ້ງມະຫາຊົນ ແລະວຽກງານການພົວ ພັນກັບຊຸມຊົນພ້ອມກັນນັ້ນກໍ່ໃຫ້ ເອົາໃຈໃສ່ທາງດ້ານວຽກງານ 8 ຂະແໜງການເປັນຕົ້ນແມ່ນການ ສຶກສາກ່ອນໄວຮຽນແມ່ນໃຫ້ເດັກ ທຸກຄົນໄດ້ມີໂອກາດໄດ້ກຽມພາສາ ລາວ ແລະມີຄວາມພ້ອມກ່ອນ ເຂົ້ຮຽນຊັ້ນປະຖົມເພີ່ມອັດຕາເຂົ້າ ຮຽນຂອງເດັກອາຍຸ 3-5 ປີ ໃຫ້ໄດ້ 49,9%, ເພີ່ມອັດຕາເຂົ້າຮຽນຂອງ ເດັກອາຍຸ 5 ປີ ໃຫ້ໄດ້ 67,2%, ການສຶກ ສາຊັ້ນປະຖົມຂະຫຍາຍ ໂຮງຮຽນມູນໃຫ້ເປັນສົມບູນ 2 ແຫ່ງຄື: ພູດາວແຈ້ງໃຫຍ່ ແລະ ນາວຽນ, ຫຼຸດຜ່ອນອັດຕາປະລະ ການຮຽນ ແລະຫຼຸດຜ່ອນອັດຕາ ຄ້າງຫ້ອງຂອງນັກຮຽນປະຖົມ, ການສຶກສາຊັ້ນມັດທະຍົມເພີ່ມອັດຕາເຂົ້າຮຽນລວມຊັ້ນມັດທະຍົມ ຕອນຕົ້ນໃຫ້ໄດ້ 64,1%, ຫຼຸດຜ່ອນອັດຕາປະລະການຮຽນຊັ້ນມັດທະຍົມຕົ້ນ, ສະໜອງອຸປະກອນສື່ການ ຮຽນ-ການສອນ, ຝຶກອົບຮົມການປະເມີນຕົນເອງ ແລະວາງແຜນພັດທະນາໂຮງຮຽນໃຫ້ຜູ້ອຳນວຍ ການໂຮງຮຽນ, ການສຶກສາຊັ້ນມັດທະຍົມຕອນປາຍເພີ່ມອັດຕາເຂົ້າຮຽນ ລວມຊັ້ນມັດທະຍົມຕອນປາຍໃຫ້ ໄດ້ 40,3%, ຫຼຸດຜ່ານອັດຕາການປະລະການຮຽນໃຫ້ຫຼຸດນ້ອຍຖອຍລົງພ້ອມທັງຮ່ວມມືກັບສາມະຄົມອຸດໜູນການສຶກສາຂັ້ນບ້ານ, ຜູ້ປົກ ຄອງ, ນາຍບ້ານເພື່ອຊ່ວຍສະໜັບສະໜູນ,ປຸກລະດົມໃຫ້ນັກຮຽນທີ່ຈົບມັດທະຍົມຕອນຕົ້ນໄດ້ເຂົ້າຮຽນມັດທະຍົມຕອນປາຍໃຫ້ຫຼາຍຂຶ້ນ.

--------

ໜັງສືພິມເສດຖະກິດ-ສັງຄົມ

แชร์