ທຫລ ສ້າງຂະບວນການບໍລິຈາກເລືອດເພື່ອຊ່ວຍສັງຄົມ

   ວັນທີ 14 ສິງຫາ 2020 ທີ່ສະໂມສອນໃຫຍ່ສະຖາບັນການທະນາຄານ,ທະນາຄານແຫ່ງ ສປປ ລາວ (ທຫລ) ໄດ້ສ້າງຂະບວນການບໍລິຈາກເລືອດເພື່ອຊ່ວຍສັງຄົມໃນໂອກາດຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ IV ຂອງອົງຄະນະພັກທະນາຄານແຫ່ງ ສປປ ລາວ ໂດຍການເປັນປະທານຂອງທ່ານນາງ ຂັນແກ້ວ ຫຼ້າມະນີ້ເງົາຫົວ ໜ້າກົມບັນຊີ ແລະການເງິນທະນາຄານແຫ່ງ ສປປ ລາວ, ທ່ານ ດຣ ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດອົງການກາແດງລາວ, ມີພະນັກງານ-ລັດຖະກອນຈາກທະນາຄານລັດ ແລະເອກະຊົນ, ນັກສຶກສາຈາກສະຖາບັນການທະນາຄານເຂົ້າຮ່ວມ.

  ທ່ານ ນາງ ຂັນແກ້ວ ຫຼ້າມະນີ້ເງົາ ກ່າວວ່າ: ການຈັດກິດຈະກຳບໍລິຈາກເລືອດໃນຄັ້ງນີ້ເປັນການສ້າງຂະບວນການຂໍ່ານັບຮັບຕ້ອນວັນສຳຄັນເພື່ອກອງປະຊຸມໃຫຍ່ຄັ້ງທີ IV ຂອງອົງຄະນະພັກທະນາຄານແຫ່ງ ສປປ ລາວ ທີ່ຈະໄຂຂຶ້ນມໍ່ໆນີ້, ທັງເປັນການຊ່ວຍກອບກູ້ເອົາຊີວິດຜູ້ເຈັບເປັນທີ່ນອນຮັກສາຕົວຢູ່ຕາມໂຮງໝໍແຫ່ງຕ່າງໆໃນຂອບ ເຂດທົ່ວປະເທດ;ພ້ອມທັງເປັນການສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆຂອງຊາດໂດຍມີຜູ້ເຂົ້າຮ່ວມບໍລິຈາກທັງໝົດ 200 ກວ່າຄົນໃນນັ້ນສາມາດບໍລິຈາກໄດ້ 165 ຄົນ.

  ສໍາລັບການບໍລິຈາກເລືອດເປັນການປະກອບສ່ວນຊ່ວຍເຫຼືອສັງຄົມ, ຊ່ວຍເຫຼືອຜູ້ທີ່ຂາດເລືອດ ແລະ ບາດເຈັບພ້ອມທັງເປັນສ່ວນໜຶ່ງທີ່ຊ່ວຍຊີວິດເພື່ອນມິດຮ່ວມຊາດ ແລະຄົນທີ່ກໍາລັງຕ້ອງການເລືອດ.

 

แชร์