ນັກສຶກສາຊັ້ນສູງ ຮຸ່ນທີ 16 ທັດສະນະສຶກສາທີ່ທ່າພະບາດ

   ເມື່ອບໍ່ດົນມານີ້ນັກສຶກສາຊັ້ນສູງລະບົບເລັ່ງລັດ 5 ເດືອນ ຮຸ່ນທີ 16 ຂອງສະຖາບັນການເມືອງການປົກຄອງແຫ່ງຊາດໄດ້ລົງເຄື່ອນໄຫວທັດສະນະສຶກສາທີ່ເມືອງທ່າພະບາດແຂວງບໍລິຄໍາໄຊໂດຍການນຳພາຂອງທ່ານ ແສງແກ້ວ ວົງລໍາພັນ ຮອງກົມຄຸ້ມຄອງການຮຽນ-ການສອນ ຂອງສະຖາບັນການເມືອງການປົກຄອງ,ໃຫ້ກຽດຕ້ອນຮັບໂດຍທ່ານ ສະຫວັນເພັດ ຈັນທະວົງສາ ປະທານກວດກາພັກເມືອງທ່າພະບາດ, ມີບັນດາຄູ-ອາຈານ, ນັກສຶກສາພ້ອມດ້ວຍຫ້ອງການທີ່ກ່ຽວຂ້ອງພາຍໃນເມືອງເຂົ້າ ຮ່ວມ.

   ທ່ານ ບຸນເພັງ ຈັນທະວົງສຸກ ຮອງເຈົ້າເມືອງທ່າພະບາດໄດ້ລາຍງານການພັດທະນາເສດຖະກິດ-ສັງຄົມຂອງເມືອງທ່າພະບາດໃນໄລຍະຜ່ານມາພ້ອມກັນນັ້ນກໍໄດ້ມີການແລກປ່ຽນຖອດຖອນບົດຮຽນເຊິ່ງກັນ ແລະກັນເພື່ອນໍາເອົາຄໍາຄິດຄໍາເຫັນດັ່ງກ່າວນີ້ໄປນໍາໃຊ້ຈັດຕັ້ງປະຕິບັດວຽກງານໃນຕໍ່ໜ້າໃຫ້ເກີດດອກອອກຜົນ.

 ນອກນັ້ນນັກສຶກສາຍັງໄດ້ມອບເງິນ 2 ລ້ານກີບ ໃຫ້ເມືອງທ່າພະບາດເພື່ອນຳໃຊ້ເຂົ້າໃນວຽກງານບໍລິຫານລັດ, ຈາກນັ້ນຄະນະນຳເມືອງທ່າພະບາດກໍໄດ້ນຳພາທິມງານນັກສຶກສາຢ້ຽມຢາມ ແລະທ່ຽວຊົມການພັດທະນາເສດຖະກິດພື້ນຖານໂຄງລ່າງຂອງບ້ານທ່າບົກ.

• 14/08/2020