ເຊັນສັນຍາໂຄງການກໍ່ສ້າງຫ້ອງການກອງຮ້ອຍທີ 3

  ທ້າຍເດືອນ ມິຖຸນາ 2020 ນີ້ກອງບັນຊາການທະຫານແຂວງຫຼວງນໍ້າທາ ໄດ້ເຊັນສັນຍາໂຄງການກໍ່ສ້າງຫ້ອງການ, ເຮືອນນອນ, ປ້ອມ ແລະປັບໜ້າດິນ,ກອງຮ້ອຍທີ 3 ກອງພັນນ້ອຍທະຫານຮາບ 418 ທະຫານແຂວງຫຼວງນໍ້າທາລະຫວ່າງທ່ານ ຕຸ້ຍ ແສງອາລຸນ ອໍານວຍການບໍລິສັດແສງອາລຸນກໍ່ສ້າງ-ຂົວທາງຈໍາກັດຜູ້ຮັບເໜົາ ກໍ່ສ້າງໂຄງການກັບ ທ່ານ ພັນໂທ ຄໍາເປີ່ງ ໄຊທະວີ ຄະນະພັກກອງບັນຊາການຫົວໜ້າຫ້ອງພະລາທິການທະຫານແຂວງຕາງໜ້າກອງບັນຊາການທະຫານແຂວງໃນ ນາມເຈົ້າຂອງໂຄງການໂດຍຊອ້ງໜ້າທ່ານ ພັນເອກ ຫູ່ມພັນ ແກ້ວວັງລາດ ຮອງເລຂາພັກຫົວໜ້າການເມືອງກອງບັນຊາການທະຫານແຂວງຫຼວງນໍ້າທາ,ມີຄະນະພັກກອງບັນຊາການ, ຄະນະຫ້ອງ 5 ຫ້ອງຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ຮ້ອຍເອກ ພັນສອນ ວອນປະເສີດ ຫົວໜ້າພະແນກແຜນການຫ້ອງພະລາທິການທະຫານແຂວງ, ໄດ້ລາຍງານການກໍ່ສ້າງແມ່ນຈະໄດ້ເລີ່ມລົງມືກໍ່ສ້າງໃນຕົ້ນເດືອນກໍລະກົດ 2020 ນີ້,ຊຶ່ງປະກອບມີຫ້ອງການ 1 ຫຼັງ, ເຮືອນນອນ 1 ຫຼັງ, ເຮືອນຄົວ ແລະຫ້ອງອາຫານ 1 ຫຼັງ, ສາງອາວຸດ 1 ຫຼັງ, ຫ້ອງນໍ້າລວມ 1 ຫຼັງ, ກໍ່ສ້າງອ່າງເກັບນໍ້າ, ບຸກເບີກສະໜາມ, ປັບດິນ, ແລະຕິດຕັ້ງລະບົບໄຟຟ້າແສງຕາເວັນ 3 ຊຸດ, ໂຄງການດັ່ງກ່າວເປັນອາຄານຖາວອນຊັ້ນດຽວເສົາເບຕົ່ງເສີມເຫຼັກ, ຝາກໍ່ດ້ວຍດິນຈີ່, ຫຼັງຄາມຸງກະເບື້ອງມີລະບົບໄຟຟ້າເຄື່ອງເຟີນີເຈີຕົບແຕ່ງຄົບຊຸດລວມມູນຄ່າການກໍ່ສ້າງທັງໜົດ 2,5 ຕື້ກີບ ໂດຍໄດ້ຮັບທືນຊ່ວຍເຫຼືອຂອງແຂວງຄາດວ່າຈະໃຫ້ສໍາເລັດ 100% ໃນທ້າຍ ປີ 2020 ນີ້.

_____________

ຂ່າວ: ສົມພອນ.  ໜັງສືພິມເສດຖະກິດ-ສັງຄົມ

 

แชร์