ເຄເອພີ ມອບລາງວັນໃຫ້ລູກຄ້າໂຊກດີຈາກສະປອນເຊີ

  ວັນທີ 31 ສິງຫາຜ່ານມາທີ່ ນະ ຄອນຫຼວງວຽງຈັນ, ບໍລິສັດເຄເອພີຂາ ອອກ-ຂາເຂົ້າ ຈໍາກັດ ໄດ້ມອບລາງວັນ ໃຫ້ແກ່ລູກຄ້າຜູ້ໂຊກດີຈາກການດື່ມສະປອນເຊີ ຊຶ່ງເປັນກິດຈະກໍາຄືນກໍາໄລໃຫ້ລູກຄ້າລວມມູນຄ່າ 1,6 ຕື້ກີບ.   

ທ່ານ ອິນພອນ ລັດຕະນະວົງສາ ຫົວ ໜ້າຝ່າຍຂາຍຂອງບໍລິສັດ ໃຫ້ຮູ້ວ່າ: ບໍ ລິສັດ ເຄເອພີ ຂາອອກ-ຂາເຂົ້າ ຈໍາກັດ ສ້າງຕັ້ງຂຶ້ນໃນປີ 2004 ເປັນບໍລິສັດ ຈໍາໜ່າຍເຄື່ອງດື່ມເກືອແຮ່ສະປອນເຊີແລະກະທິງແດງ, ປະຈຸບັນລວມມີ 3 ສາຂາຄື: ອຸດົມໄຊ, ຫຼວງພະບາງ ແລະ ຈໍາປາສັກ ໂດຍມີຕົວແທນຈໍາໜ່າຍເກືອບ ທົ່ວປະເທດ,ສ່ວນກິດຈະກໍາແລກລາງ ວັນແມ່ນຈັດຂຶ້ນເກືອບທຸກປີ ຊຶ່ງໄດ້ໝູນ ວຽນກັນລະຫວ່າງເຄື່ອງດື່ມສະປອນເຊີ ແລະກະທິງແດງ.

ສໍາລັບປີນີ້ ແມ່ນແລກລາງວັນພາຍ ໃຕ້ຝາເຄື່ອງດື່ມສະປອນເຊີ (ກະປ໋ອງ) ລວມມູນຄ່າ 1,6 ຕື້ກີບ ໄດ້ເລີ່ມແຕ່ວັນທີ 1 ມີນາ ເປັນຕົ້ນມາ ໃນນັ້ນມີລາງວັນທີ 1 ເງິນສົດມູນຄ່າ 10 ລ້ານກີບ ຈໍານວນ 3 ລາງວັນ, ລາງວັນ 1 ລ້ານກີບ 8 ລາງ ວັນ, ລາງວັນ 1 ແສນກີບ 100 ລາງ ວັນ, ລາງວັນ 10 ພັນກີບ ຈໍານວນ 15 ພັນລາງວັນ ແລະລາງວັນເຄື່ອງດື່ມສະ ປອນເຊີ 1 ກະປ໋ອງ ຈໍານວນ 3,59 ແສນລາງວັນ.

ສໍາລັບຜູ້ໂຊກດີທີ່ບໍລິສັດເຄເອພີໄດ້ ມອບໃນຄັ້ງນີ້ມີລາງວັນ 10 ລ້ານກີບ 2 ລາງວັນ ແລະລາງວັນ 1 ລ້ານກີບ 4 ລາງວັນ ຊຶ່ງຜູ້ໂຊກດີລ້ວນແຕ່ຢູ່ນະຄອນ ຫຼວງວຽງຈັນ ໃນນັ້ນຜູ້ໂຊກດີໄດ້ຮັບ ລາງວັນ 10 ລ້ານກີບ ມີນາງ ຄໍາຈັນ ສີວະເທບ ບ້ານຈອມເພັດໃຕ້ ເມືອງສີສັດ ຕະນາກ ແລະ ທ້າວ ສົງການ ບ້ານໜອງ ໜ່ຽງ ເມືອງໄຊເສດຖາ, ສ່ວນລາງວັນ 1 ລ້ານກີບ ມີ ທ້າວ ດອນ ບ້ານ ໂນນຄໍ້ ເມືອງໄຊເສດຖາ, ນາງ ວຽງມາລາ ບ້ານ ໂຄກນ້ອຍ ເມືອງໄຊທານີ, ທ້າວ ສຸກສະຫວັນ ບ້ານ ໂພນຕ້ອງສະຫວາດ ເມືອງຈັນທະບູລີ ແລະທ້າວ ອານົງ ເມືອງ ນາຊາຍທອງ, ນອກນີ້ຍັງໄດ້ມອບລາງ ວັນ ລາງວັນ 1 ແສນກີບ ແລະເຄື່ອງດື່ມ ສະປອນເຊີອີກຈໍານວນຫຼວງຫຼາຍ.

ທ່ານ ອິນພອນ ລັດຕະນະວົງສາ ໃຫ້ ຮູ້ຕື່ມວ່າ:ນອກຈາກລາງວັນທີ່ມອບໄປ ແລ້ວຍັງມີອີກຫຼາຍລາງວັນທີ່ຍັງບໍ່ທັນມີຜູ້ໂຊກດີຄື: ລາງວັນ 10 ລ້ານກີບ 1 ລາງວັນ, ລາງວັນ 1 ລ້ານກີບ 4 ລາງ ວັນ ແລະລາງວັນອື່ນໆອີກຈໍານວນຫຼາຍຊຶ່ງລູກຄ້າຍັງມີສິດຮ່ວມລຸ້ນລາງວັນດັ່ງກ່າວໄດ້ຈົນຮອດວັນທີ 30 ກັນຍາ 2019, ຖ້າຫາກລູກຄ້າທ່ານໃດໂຊກດີ ແມ່ນສາມາດແລກລາງວັນໄດ້ທີ່ຮ້ານ ຮ່ວມລາຍການ ຫຼື ສອບຖາມລາຍລະ ອຽດໄດ້ທີ່ບໍລິສັດເຄເອພີຂາອອກ-ຂາ ເຂົ້າ ຈໍາກັດ ຊຶ່ງຕັ້ງຢູ່ບ້ານໂພນສະຫວັນ ເໜືອ ເມືອງສີສັດຕະນາກ ນະຄອນຫຼວງ ວຽງຈັນ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์