ບໍລິສັດ ພູເບ້ຍ ມາຍນິງ ສະເຫຼີມສະຫຼອງວັນອານຸລັກສັດນໍ້າ ແລະສັດປ່າແຫ່ງຊາດ

ໃນວັນທີ 12 ກໍລະກົດ, ບໍລິສັດ ພູເບ້ຍ ມາຍນິງ ແລະແຂວງໄຊສົມບູນ ໄດ້ຈັດກິດຈະກໍາການປ່ອຍປາລົງສູ່ສາຍນໍ້າໂມ້ ຈໍານວນ 6,000 ໂຕ ເພື່ອເປັນການສະເຫຼີມສະຫຼອງວັນອະນຸລັກສັດນໍ້າ-ສັດປ່າ ແລະວັນປ່ອຍປາແຫ່ງຊາດ ຄົບຮອບ 27 ປີ.

ທ່ານ ຈັນທະວົງ ຜູ້ຈັດການພະແນກສິ່ງແວດລ້ອມຂອງບໍລິສັດ ແລະຕາງໜ້າບໍລິສັດໄດ້ກ່າວໃນງານດັ່ງກ່າວເຊິ່ງສຸມໃສ່ຄວາມມຸ່ງໝັ້ນຂອງບໍລິສັດ ພູເບ້ຍ ມາຍນິງ ເພື່ອປົກປັກຮັກສາສິ່ງແວດລ້ອມ ໃນເຂດທີ່ພວກເຮົາ ໄດ້ດໍາເນີນງານ ແລະຫຼຸດຜ່ອນຜົນກະທົບຕໍ່ສິ່ງແວດລ້ອມໂດຍສະເພາະແມ່ນລະບົບນີເວດທາງນໍ້າ. ບໍລິສັດ ມີແຜນຈັດຕັ້ງປະຕິບັດໂຄງການຕິດຕາມກວດກາລະບົບນິເວດທາງນໍ້າຢູ່ອ້ອມຮອບເຂດດໍາເນີນງານຂອງບໍລິສັດເຊິ່ງເປັນວຽກທີ່ປະຕິບັດປະຈໍາປົກກະຕິ.

ໃນປີ 2024, ບໍລິສັດ ພູເບ້ຍ ມາຍນິງ ຮັບຮູ້ເຖີງຄວາມສໍາຄັນຂອງການອານຸລັກສັດນໍ້າ ແລະສັດປ່າ ໂດຍໄດ້ບໍລິຈາກລູກປາພັນພື້ນບ້ານຫຼາຍກວ່າ 30,000 ໂຕ ໃຫ້ແກ່ພາກລັດຂອງແຂວງໄຊສົມບູນ ສໍາລັບງານສະເຫຼີມສະຫຼອງ ແລະປ່ອຍປາຢູ່ແຂວງ.

ທ່ານ ດາລິງ ເຊັງ, ຜູ້ອໍານວຍການ ແລະ ປະທານບໍລິຫານຂອງບໍລິສັດ ແພນອອສ໌, ໄດ້ກ່າວກ່ຽວກັບການສະໜັບສະໜູນຂອງບໍລິສັດ ພູເບ້ຍ ມາຍນິງ ເພື່ອການປົກປັກຮັກສາສັດນໍ້າ ແລະ ສັດປ່າ.

ທ່ານ ດາລິງ ເຊັງ ກ່າວວ່າ: “ການຄຸ້ມຄອງສິ່ງແວດລ້ອມ ແມ່ນຈຸດສູນກາງຂອງວິທີບໍລິສັດ ພູເບ້ຍ ມາຍນິງ ດໍາເນີນທຸລະກິດໃນລາວ. ເລີ່ມຈາກການສໍາຫຼວດຂຸດຄົ້ນ ຈົນເຖີງການພັດທະນາບໍ່ຂຸດຄົ້ນ ແລະຕະຫຼອດການຜະລິດ, ພວກເຮົາພະຍາຍາມຈໍາກັດຜົນກະທົບຕ່າງໆຂອງເຂດດໍາເນີນງານຂອງພວກເຮົາຕໍ່ສິ່ງແວດລ້ອມ.

“ໃນຖານະເປັນບໍລິສັດບໍ່ແຮ່ທີ່ມີຄວາມຮັບຜິດຊອບຢູ່ ແຂວງໄຊສົມບູນ, ພວກເຮົາສືບຕໍ່ສະໜັບສະໜູນການລົນນະລົງຂອງລັດຖະບານຂັ້ນສູນກາງໃນປີ 2024 ເພື່ອປ່ອຍລູກປາປະມານ 60 ລ້ານໂຕ ລົງສູ່ແມ່ນໍ້າທົ່ວປະເທດ.”

 

ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນິງ ກ່າວຕື່ມອີກວ່າ: “ພວກເຮົາ ເຮັດວຽກຮ່ວມກັບອໍານາດການປົກຄອງແຂວງ ໄຊສົມບູນ ເພື່ອເຜີຍແຜ່ວຽກງານປົກປັກຮັກສາສັດນໍ້າ ແລະ ສັດປ່າໃຫ້ບັນດາຊຸມຊົນທ້ອງຖິ່ນ ແລະ ແຮງງານຂອງພວກເຮົາ. ຂໍຂອບໃຈມາຍັງທີມງານສິ່ງແວດລ້ອມຂອງພວກເຮົາທີ່ສືບຕໍ່ຈັດຕັ້ງປະຕິບັດຄຸນນະທໍາຫຼັກຂອງບໍລິສັດ ເພື່ອການເບິ່ງແຍງເອົາໃຈໃສ່ສິ່ງແວດລ້ອມຢູ່ໃກ້ເຂດດໍາເນີນງານຂອງພວກເຮົາ.”

 

แชร์