ວິຊະນຸ ວິທະຍາ ມອບໃບຢັ້ງຢືນ ແລະ ໃບປະກາດ

ໂຮງຮຽນ ລ້ຽງເດັກ-ອະນຸບານ, ປະຖົມ ແລະ ມັດທະຍົມຕົ້ນ ວິຊະນຸ ວິທະຍາ, ບ້ານ ສະພານໄຊ, ນະຄອນປາກເຊ,ແຂວງຈໍາປາສັກ ໄດ້ຈັດພິທີມອບໃບຢັ້ງຢືນ ແລະ ໃບປະກາສະນິຍະບັດ ໃຫ້ແກ່ນັກຮຽນຈົບຊັ້ນອະນຸບານ ປີ 3, ນັກຮຽນຈົບຊັ້ນປະຖົມ ປ5 ແລະ ຈົບຊັ້ນມັດທະຍົມຕົ້ນ ມ4 ປະຈໍາສົກຮຽນປີ 2021-2022 ຂື້ນ ມີນັກຮຽນທີ່ໄດ້ຮັບທັງໝົດ 58 ຄົນ.

ພິທີດັ່ງກ່າວໄດ້ຈັດຂື້ນໃນຄັ້ງວັນທີ 30 ກໍລະກົດ 2022 ຜ່ານມານີ້, ໂດຍການເຂົ້າຮ່ວມຂອງທ່ານ ເພັດສະໝອນ ແກ້ວອ່ອນຫຼ້າ ຫົວໜ້າອໍານວຍການໂຮງຮຽນ, ທ່ານ ນາງ ເພັດພູທອນ ແສນສີ ຜູ້ປະກອບການ, ທ່ານທີ່ປືກສາ, ຄະນະອໍານວຍການ, ຄູ-ອາຈານ ຕະຫຼອດຮອດຜູ້ປົກຄອງ-ພໍາແມ່ ແລະ ນອງນ້ອຍນັກຮຽນເຂົ້າຮ່ວມ.
ໂຮງຮຽນ ວິຊະນຸ ວິທະຍາ ໄດ້ຮັບການສ້າງຕັ້ງຂື້ນ ໃນສົກຮຽນປີ 2018-2019, ເຊີ່ງໄດ້ດໍາເນີນການຮຽນ-ການສອນໃນ 3 ຊັ້ນຄື: ຊັ້ນລ້ຽງເດັກ-ອະນຸບານ, ຊັ້ນປະຖົມສືກສາ ແລະ ຊັ້ນມັດທະຍົມສືກສາຕອນຕົ້ນ, ໃນເບື້ອງຕົ້ນ ການເປີດການຮຽນ-ການສອນປີທໍາອິດ ມີນັກຮຽນທັງໝົດ 220 ຄົນ, ມາຮອດປະຈຸບັນມີນັກຮຽນໃນ 3 ຊັ້ນຮຽນ ລວມທັງໝົດ 326 ຄົນ, ຍີງ 140 ຄົນ.
ໃນນັ້ນ, ຊັ້ນອະນຸບານ ມີນັກຮຽນ 100 ຄົນ, ລວມມີ 8 ຫ້ອງ, ຊັ້ນປະຖົມສືກສາ ມີ 185 ຄົນ, ມີ 9 ຫ້ອງຮຽນ ແລະ ຊັ້ນມັດທະຍົມຕອນຕົ້ນ ມີນັກຮຽນ 41 ຄົນ ລວມ 4 ຫ້ອງຮຽນ.
ໃນສົກຮຽນປີ 2021-2022 ມີນັກຮຽນທີ່ສາມາດສອບເສັງເລື່ອນຊັ້ນ ໄດ້ 100% ຄື: ຊັ້ນອະນຸບານ3 ໄດ້ຮັບໃບຢັ້ງຢືນການສືກສາ ທັງໝົດ 50 ຄົນ, ຍີງ 20 ຄົນ, ຊັ້ນປະຖົມ ປ5 ໄດ້ຮັບໃບກາສະນິຍະບັດ ທັງໝົດ 24 ຄົນ, ຍີງ 11 ຄົນ ແລະ ຊັ້ນມັດທະຍົມຕົ້ນ ມ4 ລວມມີ 4 ຄົນ, ຍີງ 1 ຄົນ.
ນອກຈາກນັ້ນ ໂຮງຮຽນ ຍັງໄດ້ມອບທືນການສືກສາ ແລະ ໃບຍ້ອງຍໍໃຫ້ນັກຮຽນດີເດັ່ນ, ນັກຮຽນເກັ່ງ ນໍາອີກ.
ປະຈຸບັນ ໂຮງຮຽນ ວິຊະນຸ ວິທະຍາ ມີຄູ-ອາຈານທັງໝົດ 41 ຄົນ ທີ່ຜ່ານການສືກສາຈົບວິຊາຊີບຄູໃນແຕ່ລະສາຂາວິຊາ ແລະ ມີຄຸນສົມບັດທີ່ພຽບພ້ອມຕໍ່ການສິດສອນນັກຮຽນ.
ທ່ານ ຫົວໜ້າອໍານວຍການໃຫ້ຮູ້ຕື່ມວ່າ: ເພື່ອຕອບສະໜອງຕາມຄວາມຮຽກຮ້ອງຂອງພໍ່ແມ່ ຜູ້ປົກຄອງນັກຮຽນ ທັງເປັນການປະກອບສ່ວນໃນການພັດທະນາການສືກສາ ໂຮງຮຽນໄດ້ມີແຜນທີ່ຈະເປີດການຮຽນ-ການສອນຊັ້ນ ມັດທະຍົມຕອນປາຍ ເລີ່ມຕົ້ນ ມ5 ໃນສົກຮຽນປີ 2022-2023 ນີ້, ເຊີ່ງຈະຊ່ວຍໃຫ້ເກີດມີການຈ້າງງານ ກໍຄືການຮັບຄູ-ອາຈານເຂົ້າມາສິດສອນໃນໂຮງຮຽນເພີ່ມຂື້ນ, ສໍາລັບຜູ້ປົກຄອງ ພໍ່ແມ່ນັກຮຽນທ່ານໃດ ທີ່ສົນໃຈໃຫ້ລູກຫຼານຂອງທ່ານເຂົ້າຮຽນ ສາມາດມາພົວພັນໄດ້ທີ່ ໂຮງຮຽນ ວິຊະນຸ ວິທະຍາ, ບ້ານ ສະພານໄຊ, ນະຄອນປາກເຊ, ແຂວງຈໍາປາສັກ.

แชร์