ບໍລິສັດ ຢາສູບຫົງຖາ ໂຊກດີ ລາວ-ຈີນ ຈະໃຫ້ທຶນຊ່ວຍເຫລືອບ້ານທຸກຍາກຢູ່ລາວ

ບໍລິສັດ ຢາສູບຫົງຖາ ໂຊກດີລາວ-ຈີນ ຈໍາກັດ ກຽມຈະສະໜອງທຶນ 1 ຕື້ກວ່າກີບ ເພື່ອຊ່ວຍເຫຼືອບ້ານທຸກຍາກ ຢູ່ ສປປ ລາວ ໃນຂອບເຂດທົ່ວປະເທດ ກວມເອົາ 100 ບ້ານ ເຊິ່ງການຈັດຕັ້ງປະຕິບັດຈະໃຫ້ສໍາເລັດພາຍໃນປີນີ້.

ທ່ານ ອຸ່ນໃຈດິນ ລາວຟູ(ຈ່ອຍ) ຫົວໜ້າສາຂາບໍລິສັດ ຢາສູບຫົງຖາໂຊກດີ ລາວ-ຈີນ ຈໍາກັດ ພາກເໜືອກ່າວວ່າ: ບໍລິສັດຕັ້ງເປົ້າໝາຍຈະໃຫ້ການຊ່ວຍເຫລືອບ້ານທີ່ທຸກຍາກ ຢູ່ ສປປ ລາວ ໃຫ້ໄດ້ 100 ບ້ານພາຍໃນປີນີ້ໂດຍອີງໃສ່ຄວາມຕ້ອງການຂອງແຕ່ລະບ່ອນ, ແຕ່ລະບ້ານທີ່ທາງຄະນະບ້ານສະເໜີມາ ແລະ ໃຫ້ພະນັກງານຂອງບໍລິສັດລົງໄປສົມທົບເກັບກໍາຂໍ້ມູນຕາມຄວາມຈິງຈາກນັ້ນທາງບໍລິສັດຈະນໍາເຄື່ອງທີ່ຕ້ອງການດັ່ງກ່າວລົງໄປຊ່ວຍເຫລືອ.

ໃນວັນທີ 10 ກໍລະກົດ 2022 ນີ້, ທ່ານ ມາຊູ(Mr MA XU )ປະທານ ບໍລິສັດ ຢາສູບຫົງຖາ ໂຊກດີລາວ-ຈີນ ຈໍາກັດ ພ້ອມທິມງານໄດ້ນຳເອົາເຄື່ອງຊ່ວຍເຫລືອໄປມອບໃຫ້ຄອບຄົບທຸກຍາກ ຈໍານວນ 101 ຄອບຄົວຢູ່ບ້ານຈັດສັນບ້ານຫ້ວຍໂລ ເມືອງປາກອູ ແຂວງຫລວງພະບາງ ເຊິ່ງເຄື່ອງດັ່ງ ກ່າວ ປະກອບມີ, ປ໋ອງປາ 4 ແກັດ, ແປ້ງນົວ 2 ຖົງໃຫຍ່, ເກືອ 40 ຖົງ, ແຟັບຊັກເຄື່ອງ 3 ແກັດ,ຫມີ່ໄວໆ 3 ແກັດ, ນໍ້າມັນຕຸກນ້ອຍ 6 ແກັດ, ເຂົ້າສານໜຽວ 200 ກິໂລກະລາມ ແລະເຄື່ອງອື່ນໆອີກ ລວມມູນຄ່າ 11 ລ້ານກວ່າກີບ.

ຂ່າວ:ສີສຸວັນ

แชร์